By Xəbər Yerində “Unikal.az”a istinadən xəbər verir ki, bloger Sevinc Hüseynova barəsində xüsusi ittiham qaydasında verilmiş şikayət əsasında məhkəmə qərarı qəbul edilib.
Məlumata görə, bu barədə “Bakı Şəhəri 5 saylı” Vəkil Bürosunun vəkili Asim Abbasov məlumat verib.
Məhkəmədə şikayətə baxılıb
Vəkilin sözlərinə əsasən, bu gün Füzuli Rayon Məhkəməsində müğənni Afət Fərman qızının bloger Sevinc Hüseynova ilə bağlı xüsusi ittiham qaydasında təqdim etdiyi şikayətə baxılıb.
Məhkəmə araşdırmasının yekununda qərar qəbul olunub.
İki maddə ilə ittiham irəli sürülüb
Qərara əsasən, Sevinc Hüseynova müğənni Afət Fərman qızına qarşı kütləvi informasiya vasitələrində böhtan xarakterli məlumatlar yaymaqda, o cümlədən onu xüsusilə ağır cinayət törətməkdə ittiham etməkdə, həmçinin nalayiq ifadələr işlətməklə təhqir etməkdə və şərəf və ləyaqətini alçaltmaqda ittiham olunur.
Bununla əlaqədar bloger Cinayət Məcəlləsinin 147.2-ci (ağır cinayət törətməkdə böhtan atma) və 148-ci (təhqir) maddələri ilə təqsirləndirilən şəxs qismində cəlb edilib.
