By Kürdəmir rayonunda qoyun otaran şəxsin ildırım vurması nəticəsində həyatını itirdiyi bildirilir.
Xəbər Yerində Xəzər TV-ə istinadən xəbər verir ki, hadisə rayonun Şıxımlı kəndi ərazisində baş verib.
51 yaşlı kişi həyatını itirib
Məlumata görə, Ağsu rayon sakini, 51 yaşlı Zahir Hacılayev qoyunları otardıqdan sonra geri qayıdarkən ildırım vurması nəticəsində ölüb.
Hadisə zamanı bir neçə xırdabuynuzlu heyvanın da tələf olduğu bildirilir.
Çobanı kənd sakinləri axtarıb
Kənd sakinlərinin sözlərinə görə, hadisə axşam saatlarında baş verib. Zahir Hacılayevin heyvanlarla birlikdə geri qayıtmadığını görən sakinlər onun axtarışına çıxıblar.
Axtarışlar zamanı çobanın ildırım vurması nəticəsində həyatını itirdiyi məlum olub.
Mövzu ilə bağlı daha ətraflı videomaterial Xəzər Xəbər tərəfindən təqdim olunub.
