By İspaniyada 12 avqustda Avropanın bir sıra ölkələrindən müşahidə olunan tam Günəş tutulması ilə bağlı xüsusi uçuş həyata keçirilib.
İspaniyanın Iberia aviaşirkəti tutulmanı ən yaxşı şəraitdə izləmək üçün Madriddən xüsusi uçuş təşkil edib. IB1473 kodlu reys Airbus A321XLR təyyarəsi ilə həyata keçirilib.
Təyyarə 10 min metrdən yüksək hündürlükdə uçaraq tutulmanın müşahidəsi üçün əlverişli mövqeyə yönəlib. Uçuş zamanı göy hadisəsinin görüntüləri canlı yayımlanıb.
Xüsusi reysdə astronomlar və alimlər də iştirak edib. Onlar təyyarənin yüksəkliyindən istifadə edərək Günəş tutulmasını müşahidə edib və elmi ölçmələr aparıblar. Yüksək hündürlük atmosferin yaratdığı bəzi maneələri azaltmağa imkan verib.
12 avqust 2026-cı ildə baş verən tam Günəş tutulması İspaniyada bir əsrdən çox müddətdən sonra müşahidə olunan ən mühüm astronomik hadisələrdən biri olub. Tutulma İspaniyanın böyük hissəsində, eləcə də Avropanın digər bölgələrində müxtəlif səviyyələrdə müşahidə edilib.
Məlumata görə, İspaniya tutulmanı müşahidə etmək üçün Avropanın ən əlverişli məkanlarından biri olub və hadisə ölkəyə yüz minlərlə turist cəlb edib.
