By Səudiyyə Ərəbistanı ilə Yəməndəki husilər arasında hərbi qarşıdurma daha da kəskinləşib.
Xəbər Yerində APA-ya istinadən verdiyi məlumata görə xəbər verir ki, husilərin Ər-Riyad hava limanına hücumundan sonra tərəflər hərbi əməliyyatları intensivləşdiriblər.
Məlumata əsasən, husilər Səudiyyə Ərəbistanının “Saudi Aramco” neft şirkətinə məxsus obyektlərə, eləcə də Yəmənin Səudiyyə Ərəbistanı tərəfindən dəstəklənən hökumətinin Prezident sarayına zərbələr endiriblər.
Buna cavab olaraq Səudiyyə Ərəbistanı Yəməndə husilərin nəzarətində olan ərazilərə hava hücumlarını artırıb.
Yəmən hökumətinin iki rəsmisinin bildirdiyinə görə, Ər-Riyad rəhbərliyi hazırda hərbi qələbəni münaqişədən çıxışın yeganə yolu hesab edir. Onların sözlərinə görə, tərəflər arasında danışıqlar aparılmır və yaxın gələcəkdə razılaşmanın əldə olunacağı gözlənilmir.
ABŞ hərbi əməliyyatlara birbaşa qoşulmaqda tərəddüd edir
Məlumatda qeyd olunur ki, ABŞ Prezidenti Donald Tramp husilərə qarşı hərbi əməliyyatlarda birbaşa iştirak etmək məsələsində tərəddüd edir. Bununla belə, Vaşinqton Səudiyyə Ərəbistanına kəşfiyyat sahəsində dəstək göstərir.
Husilərin strateji əhəmiyyətə malik Bab əl-Məndəb boğazına nəzarət etməsi isə beynəlxalq dəniz ticarəti üçün əlavə risklər yaradır. Bu boğaz dünya ticarətində mühüm rol oynayan dəniz marşrutlarından biridir.
Yəməndə humanitar vəziyyət ağırlaşır
Hərbi qarşıdurmanın genişlənməsi Yəməndə onsuz da ağır olan humanitar vəziyyəti daha da pisləşdirir.
BMT-nin Ümumdünya Ərzaq Proqramının məlumatına görə, ölkədə 18 milyon insan ciddi ərzaq çatışmazlığı ilə üzləşir.
Münaqişənin davam etməsi həm regionda təhlükəsizlik risklərini artırır, həm də milyonlarla insanın həyat şəraitini daha da ağırlaşdırır.
