By Paris Moda Həftəsi çərçivəsində Fransada olan türkiyəli aktrisa Serenay Sarıkaya bu dəfə podyumdakı çıxışı ilə deyil, geyim seçimi ilə gündəmə gəlib.
Xəbər Yerində “Qafqazinfo”ya istinadən xəbər verir ki, Sarıkaya ilə amerikalı model Heyli Biberin eyni markanın dəfiləsinə bənzər kostyumlarla qatılması gecənin diqqət çəkən məqamlarından biri olub.
Geyim seçimi təsadüfdür, yoxsa konsept?
İki məşhur simanın eyni kostyuma üstünlük verməsi ilə bağlı müxtəlif məlumatlar yayılıb. Bəzi iddialara görə, onların oxşar geyim seçimi təsadüfi xarakter daşıyıb.
Digər məlumatlarda isə bildirilib ki, dəfilənin konsepsiyası iştirakçıların bir-birinə bənzər görünüşlərdə olması üzərində qurulub.
Sarıkaya və Biberin geyimləri ilk dəfə oxşarlıq təşkil etmir
Serenay Sarıkaya ilə Heyli Biberin stil seçimlərinin üst-üstə düşməsi ilk dəfə deyil.
Məlumata görə, Sarıkayanın əvvəlki illərdə istifadə etdiyi bəzi kombinlər də Biberin geyim seçimləri ilə oxşarlıq təşkil edib.
Hətta Serenay Sarıkaya 2020-ci ildə Heyli Biberin tərzi barədə danışarkən ona heyran olduğunu və onu izlədiyini bildirib.
Aktrisanın həmin vaxt söylədiyi “Ona heyranam, onu izləyirəm” ifadəsi də iki məşhurun stil seçimləri arasındakı oxşarlığı yenidən gündəmə gətirib.
