By Azərbaycan Xarici İşlər Nazirliyi Kolumbiyada baş verən güclü zəlzələ nəticəsində insanların həyatını itirməsi ilə bağlı ölkə xalqına başsağlığı verib.
“Kolumbiyada baş vermiş zəlzələnin səbəb olduğu insan tələfatı və dağıntılarla bağlı dərin kədər hissi keçiririk.
Həyatını itirənlərin ailələrinə və yaxınlarına səmimi başsağlığı verir, yaralananlara şəfa diləyirik.
Bu çətin günlərdə düşüncələrimiz Kolumbiya xalqı ilədir”, – deyə nazirlikdən bildirilib.
Qeyd edək ki, zəlzələ nəticəsində bir sıra ərazilərdə dağıntılar qeydə alınıb və xilasetmə işləri həyata keçirilib. Hadisənin fəsadlarının aradan qaldırılması istiqamətində müvafiq tədbirlər davam etdirilir.
