By Xəbər Yerində “Qafqazinfo”ya istinadən xəbər verir ki, Bərdənin Molla Əhmədli kəndində qətl hadisəsi baş verib.
Hadisə nəticəsində 2000-ci il təvəllüdlü Elnur Rüstəmov bıçaq xəsarəti alaraq həyatını itirib.
Mübahisə qonaqlıqda başlayıb
İlkin məlumata görə, Elnur Rüstəmov tanışı, 1996-cı il təvəllüdlü Cavad Hüseynovla birlikdə qonaqlıqda olub.
Yemək yeyib spirtli içki qəbul etdikləri vaxt tərəflər arasında mübahisə yaranıb. Daha sonra başlayan mübahisə Cavad Hüseynovun yaşadığı evin qarşısında davam edib.
Elnur ürəyindən bıçaqlanıb
Mübahisənin gedişində Cavad Hüseynovun Elnur Rüstəmovu ürək nahiyəsindən bıçaqladığı bildirilir.
Ağır xəsarət alan Elnur Rüstəmov hadisə yerində dünyasını dəyişib.
Şübhəli şəxs saxlanılıb
Hadisəni törətməkdə şübhəli bilinən Cavad Hüseynov polis əməkdaşları tərəfindən saxlanılaraq istintaqa təhvil verilib.
Faktla bağlı Bərdə Rayon Prokurorluğunda araşdırma aparılır.
Baş Prokurorluğun Mətbuat xidmətindən isə bildirilib ki, şəxsin qəsdən öldürülməsi faktı üzrə cinayət işi başlanılıb.
