By “Xəbər Yerində” xəbər verir ki, oktyabrın 5-də Azərbaycanda gözlənilən hava şəraiti açıqlanıb.
Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Lakin axşam saatlarında bəzi yerlərdə yağış yağacağı gözlənilir.
Gün ərzində şimal-qərb küləyinin cənub-şərq küləyi ilə əvəzlənəcəyi bildirilir.
Havanın temperaturu gecə 12-15°, gündüz isə 18-22° isti olacaq. Atmosfer təzyiqi 770 mm civə sütunundan 766 mm civə sütununa enəcək. Nisbi rütubət 60-70 faiz təşkil edəcək.
Rayonlarda hava necə olacaq?
Azərbaycanın rayonlarında hava əsasən yağmursuz keçəcək. Bununla belə, Lənkəran-Astara bölgəsinin bəzi yerlərində arabir yağış yağacağı və şimşək çaxacağı proqnozlaşdırılır.
Gecə və səhər saatlarında bəzi yerlərdə duman müşahidə olunacaq. Şərq küləyi əsəcək.
Havanın temperaturu gecə 9-14°, gündüz 18-23° isti olacaq.
Dağlıq ərazilərdə gecə 2° şaxtadan 3°-dək isti, gündüz isə 5-10° isti olacağı gözlənilir.
