By Xəbər Yerində xəbər verir ki, “Biman Bangladesh Airlines” şirkətinin Londondan Banqladeşə uçan reyslərindən birində iki sərnişin arasında başlayan mübahisə əlbəyaxa davaya çevrilib.
Mübahisə qəfil davaya çevrildi
Hadisə təyyarədə digər sərnişinlərin, o cümlədən uşaqlar və yaşlı insanların gözü qarşısında baş verib.
Sosial şəbəkələrdə yayılan görüntülərdə iki kişinin əvvəlcə bir-biri ilə mübahisə etdiyi, daha sonra isə yumruqlaşmağa başladığı görünür. Dava zamanı sərnişinlərdən birinin köynəyinin cırıldığı bildirilir.
Kabin heyəti müdaxilə etdi
Davanın şiddətlənməsindən sonra kabin heyəti və digər sərnişinlər tərəfləri ayırmağa çalışıblar. Müdaxilədən sonra vəziyyətin nəzarətə götürüldüyü qeyd edilib.
İnsidentin hansı səbəbdən baş verdiyi hələlik açıqlanmayıb.
“Biman Bangladesh Airlines” rəsmiləri hadisə ilə bağlı araşdırma aparıldığını bildiriblər.
Mənbə: Qafqazinfo
