By Xəbər Yerində xəbər verir ki, Sabirabad rayonunda avtomobilin yol kənarına aşması nəticəsində üç nəfər xəsarət alıb.
“Nissan” yol kənarına aşıb
“Oxu.Az”ın məlumatına görə, yol-nəqliyyat hadisəsi rayonun Qəfərli kəndi ərazisində baş verib.
Hadisə zamanı rayon sakini, 1988-ci il təvəllüdlü Yusif Rasim oğlu Fərzəliyevin idarə etdiyi “Nissan” markalı avtomobil yoldan çıxaraq kənara aşıb.
Ailə üzvləri xəsarət aldı
Qəza nəticəsində sürücü Yusif Fərzəliyev, onun 1999-cu il təvəllüdlü həyat yoldaşı Mahirə Mahir qızı Fərzəliyeva və 2019-cu il təvəllüdlü övladları müxtəlif dərəcəli xəsarətlər alıblar.
Yaralıların hər üçü tibbi yardım göstərilməsi üçün Sabirabad Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
