Nazir ona yüksək vəzifə verdi

Xəbər Yerində xəbər verir ki, Əmək və Əhalinin Sosial Müdafiəsi Nazirliyində yeni kadr təyinatı həyata keçirilib.

İqtisadiyyat.az-ın məlumatına görə, nazir Anar Əliyev bununla bağlı müvafiq əmr imzalayıb.

Əmrə əsasən, Aysel İbayeva İcbari tibbi sığorta siyasəti və tibbi-sosial ekspertiza şöbəsinin müdir müavini vəzifəsinə təyin edilib.

Aysel İbayeva yeni vəzifəsinə qədər 10 il ərzində İcbari Tibbi Sığorta üzrə Dövlət Agentliyinin Hüquq departamentinə rəhbərlik edib.

O, 2011-2016-cı illərdə isə “PAŞA Sığorta” ASC-də Hüquq departamentinin müdir müavini vəzifəsində çalışıb.