By Fransanın paytaxtı Parisdə məktəblilərin iştirakı ilə keçirilən etiraz aksiyaları şəhərdə ciddi gərginliyə səbəb olub.
Xəbər Yerində xarici mediaya istinadən xəbər verir ki, aksiyalarda iştirak edənlər təhsil sistemindəki problemlərə, müəllim çatışmazlığına və məktəb binalarının yararsız vəziyyətinə etiraz ediblər.
Etirazçıların əsas tələbləri arasında təhsil sahəsinə ayrılan vəsaitin artırılması, müəllim çatışmazlığının aradan qaldırılması və şagirdlərin üzərinə düşən dərs yükünün azaldılması da var.
Məlumata görə, aksiyalar ötən ay Paris regionunda başlayıb və daha sonra ölkənin digər ərazilərinə yayılıb.
Etirazlarla əlaqədar həftə ərzində 5 mindən çox şəxsin saxlanıldığı bildirilir.
