By İlham Əliyev: “Avropa Şurasını tərk etməyi ciddi şəkildə müzakirə etmişik”
Prezident İlham Əliyev IV Şuşa Qlobal Media Forumunda bildirib ki, Azərbaycan hökuməti təkcə Avropa Şurası Parlament Assambleyasındakı fəaliyyətini dayandırmağı deyil, ümumilikdə təşkilatı tərk etməyi də müzakirə edib.
Dövlət başçısının sözlərinə görə, Avropa Şurasının Baş katibi Alen Berse bu qərarın verilməməsini və vəziyyətin yaxşılaşdırılması üçün vaxt ayrılmasını xahiş edib. Buna görə də qərar hələlik təxirə salınıb.
Prezident qeyd edib ki, buna baxmayaraq, ötən müddət ərzində münasibətlərin yaxşılaşdırılması istiqamətində heç bir irəliləyiş əldə olunmayıb.
Mənbə: APA
