By 2026 FIFA Dünya Kubokunda İngiltərə Fransanı 6:4 hesabı ilə məğlub edərək üçüncü oldu
2026 FIFA Dünya Kubokunda İngiltərə ilk hissəni 4:0 hesabı ilə öndə başa vurduğu oyunda Fransanı 6:4 məğlub edərək dünya üçüncüsü oldu. İngiltərə yığmasında Bukayo Saka het-trik etdi. İkinci hissədə möhtəşəm geri dönüşə çox yaxınlaşan Fransa millisində isə Kilian Mbappe 2 qol vurdu, Maykl Olise isə 2 məhsuldar ötürmə ilə tarixə düşdü.
2026 FIFA Dünya Kubokunda üçüncü yer uğrunda oyunda Avropanın iki nəhəngi – Fransa və İngiltərə üz-üzə gəldi.
TRT 1 telekanalında canlı yayımlanan və böyük həyəcanla izlənilən qarşılaşma vurulan qolların sayına görə Dünya Kuboku tarixinə düşdü.
İlk hissədə İngiltərə fırtınası
ABŞ-ın Mayami şəhərindəki Hard Rock Stadionunda keçirilən oyuna İngiltərə çox sürətli başladı. Declan Rays 3-cü dəqiqədə cərimə meydançası xaricindən vurduğu möhtəşəm zərbə ilə hesabı açdı – 1:0.
18-ci dəqiqədə sol cinahdan yerinə yetirilən künc zərbəsindən sonra Ezri Konsa baş zərbəsi ilə fərqi iki topa çatdırdı. Bu qolun məhsuldar ötürməsini də Declan Rays etdi – 2:0.
37-ci dəqiqədə Bukayo Saka hesabı 3:0 etdi. İlk hissənin əlavə olunmuş vaxtında (45+1) Saka yenidən fərqlənərək hesabı 4:0-a çatdırdı və İngiltərə fasiləyə böyük üstünlüklə yollandı.
Fransa tarixi geri dönüşün astanasında qaldı
Fransa ikinci hissəyə dörd dəyişikliklə başladı. Baş məşqçi Didye Deşamın qərarları dərhal nəticə verdi.
48-ci dəqiqədə Kilian Mbappe hesabı 4:1 etdi.
54-cü dəqiqədə oyuna sonradan daxil olan Bredli Barkola Mbappenin ötürməsindən sonra fərqi iki topa endirdi – 4:2.
66-cı dəqiqədə Mbappe daha bir qol vuraraq hesabı 4:3 etdi və Fransaya geri dönüş ümidi verdi.
Sakanın het-triki
İkinci hissədə böyük təzyiq altında qalan İngiltərə 85-ci dəqiqədə penalti qazandı. 87-ci dəqiqədə topun arxasına keçən Bukayo Saka penalti zərbəsini dəqiq yerinə yetirdi və hesabı 5:3 etdi. Bu qol onun oyundakı üçüncü qolu – het-triki oldu.
90+6-cı dəqiqədə Usman Dembele hesabı 5:4 etdi.
Lakin son sözü 90+8-ci dəqiqədə Cud Bellinqem dedi. O, sürətli əks-hücumun sonunda fərqlənərək oyunun yekun hesabını müəyyənləşdirdi – 6:4.
Beləliklə, İngiltərə Dünya Kuboku tarixində ilk dəfə üçüncü yeri tutdu və 60 ildən sonra turniri medalla başa vurdu.
Fərdi göstəricilər
- Cud Bellinqem turniri 7 qolla başa vurdu.
- Harri Keyn Fransa ilə oyunda iştirak etmədi və 6 qolda qaldı.
- Kilian Mbappe turniri 10 qolla tamamladı.
- Finaldan əvvəl Lionel Messinin hesabında 8 qol var idi. Messi finalda iki qol vura bilməsəydi, Mbappe turnirin bombardiri olacaqdı.
- Mbappe Dünya Kuboklarında keçirdiyi 22 oyunda 22-ci qolunu vuraraq Messinin (21 qol) göstəricisini geridə qoydu.
- Usman Dembele turniri 6 qolla başa vurdu.
- Maykl Olise ilk Dünya Kubokunda 7 məhsuldar ötürmə edərək bir Dünya Kubokunda ən çox assist edən futbolçu rekordunu qırdı. Buna baxmayaraq, turniri qol vurmadan başa vurdu.
Tarixi rekordlar
- İngiltərənin Fransanı 6:4 hesabı ilə məğlub etdiyi qarşılaşma Dünya Kuboku tarixinin ən məhsuldar üçüncü yer oyunu oldu.
- Əvvəlki rekord 1958-ci ildə Fransanın Qərbi Almaniyanı 6:3 hesabı ilə məğlub etdiyi oyuna məxsus idi.
- Bu qarşılaşma həm də 2026 Dünya Kubokunun ən çox qollu oyunu kimi tarixə düşdü. Bundan əvvəl turnirin ən məhsuldar oyunu Almaniyanın Kurasaonu 7:1 hesabı ilə məğlub etdiyi qrup matçı idi.
Oyunun qolları
- 3′ Declan Rays – 0:1
- 18′ Ezri Konsa – 0:2
- 37′ Bukayo Saka – 0:3
- 45+1′ Bukayo Saka – 0:4
- 48′ Kilian Mbappe – 1:4
- 54′ Bredli Barkola – 2:4
- 66′ Kilian Mbappe – 3:4
- 87′ Bukayo Saka (penalti) – 3:5
- 90+6′ Usman Dembele – 4:5
- 90+8′ Cud Bellinqem – 4:6
Yekun hesab: Fransa 4:6 İngiltərə.
Mənbə: TRTspor
