By Səudiyyə Ərəbistanının paytaxtı Ər-Riyaddakı Kral Xalid Beynəlxalq Aeroportuna növbəti hücum nəticəsində bir nəfər ölüb, 11 nəfər yaralanıb.
Xəbər Yerində “Reuters”ə istinadən xəbər verir ki, oktyabrın 11-də baş verən hücum zamanı aeroportun 4-cü terminalına naməlum mərmi düşüb və yanğın başlayıb. Ölən şəxsin Səudiyyə Ərəbistanında yaşayan Pakistan vətəndaşı olduğu bildirilir.
Hücum əvvəlki zərbədən bir gün sonra baş verib. Oktyabrın 10-da Ər-Riyad aeroportuna edilən hücum nəticəsində 13 nəfər ölüb, 300-dən çox insan yaralanıb. Yəməndə fəaliyyət göstərən, İranın dəstəklədiyi husilər həmin hücuma görə məsuliyyəti üzərlərinə götürüblər. Husilər aeroport və digər obyektlərə qarşı növbəti zərbələr endirdiklərini də bəyan ediblər.
Son hücumun da husilər tərəfindən həyata keçirildiyi ilə bağlı məlumatlar yayılsa da, Səudiyyə rəsmilərinin ilkin açıqlamasında mərminin kim tərəfindən atıldığı dəqiqləşdirilməyib. Aeroporta dəymiş ziyanın miqyası araşdırılır.
