By Xəbər Yerində xəbər verir ki, Fövqəladə Hallar Nazirliyinin (FHN) “112” qaynar telefon xəttinə daxil olan zənglər əsasında ötən həftə ərzində müxtəlif istiqamətlər üzrə qəza-xilasetmə əməliyyatları həyata keçirilib.
Belə ki, FHN-in aidiyyəti qurumları tərəfindən 685 yanğına çıxış, 33 halda köməksiz vəziyyətdə qalma, 6 avtonəqliyyat qəzası və 1 partlayış faktı üzrə əməliyyatlar həyata keçirilib.
Görülən təxirəsalınmaz tədbirlər nəticəsində yanğınlar operativ şəkildə söndürülüb, insanların həyatının xilas edilməsi təmin olunub.
Ümumilikdə, ötən həftə ərzində FHN qüvvələri tərəfindən 10-u azyaşlı olmaqla 46 nəfər xilas edilib.
Yanğınlar zamanı 5 nəfər xəsarət alıb, 13 nəfərin meyiti aidiyyəti üzrə təhvil verilib.
