By Gəncədə çayxanada bıçaqlanma hadisəsi baş verib.
Xeberyerinde Gencexeber-ə istinadən xəbər verir ki, hadisə şəhərin Yeni Gəncə yaşayış massivində qeydə alınıb. İlkin məlumata görə, 1995-ci il təvəllüdlü Məmməd Babayev bıçaq xəsarətləri alaraq Gəncədə yerləşən xəstəxanalardan birinə çatdırılıb.
Həkimlərin verdiyi məlumata əsasən, yaralının vəziyyəti orta ağır qiymətləndirilir.
Faktla bağlı hüquq-mühafizə orqanları tərəfindən araşdırma aparılır. Hadisənin başvermə səbəbləri və təfərrüatları araşdırma nəticəsində məlum olacaq.
