By Azərbaycan Prezidenti və birinci xanım Mehriban Əliyeva Bişkekdən yola salınıb
Azərbaycan Prezidenti İlham Əliyevin Qırğızıstana işgüzar səfəri başa çatıb.
Xəbər Yerində xəbər verir ki, dövlət başçısı sentyabrın 1-də Qırğızıstanın paytaxtı Bişkekdən yola düşüb.
“Manas” Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb.
Dövlət başçısını və birinci xanım Mehriban Əliyevanı Qırğızıstan Nazirlər Kabinetinin sədri, Prezident Administrasiyasının rəhbəri Adılbek Kasımaliyev yola salıb.
