By İsrail ordusunun Qəzza zolağının mərkəzində həyata keçirdiyi hava zərbəsi nəticəsində HƏMAS-ın iki yüksək rütbəli təhlükəsizlik rəsmisi həlak olub.
Xeberyerinde Apa-ya istinadən xəbər verir ki, zərbə zamanı HƏMAS-ın Deyr əl-Bələh bölgəsində daxili təhlükəsizlik xidmətinin rəhbəri, polkovnik Vail Musa əl-Lədavi və mayor Ramez Əbu Zərayq ölüb.
İsrail ordusu əməliyyatın HƏMAS üzvünə qarşı yönəldiyini təsdiqləyib. Bununla belə, hücumun təfərrüatları ilə bağlı əlavə məlumat açıqlanmayıb.
Fələstin mənbələri hədəfə alınan şəxslərin HƏMAS-ın təhlükəsizlik strukturlarında xidmət etdiyini bildirib.
Qeyd olunur ki, İsrail son aylarda HƏMAS-ın təhlükəsizlik və polis strukturlarına qarşı oxşar hava zərbələrini davam etdirir.
