By Xəbər Yerində xəbər verir ki, Nigeriyanın Niger ştatında faydalı qazıntıların qanunsuz hasilatında şübhəli bilinərək saxlanılan azı 37 nəfər nəzarət altında olarkən həyatını itirib.
Yerli TVC telekanalının məlumatına görə, ölən şəxslər saxlanıldıqları müddətdə Nigeriya Təhlükəsizlik və Mülki Müdafiə Korpusunun nəzarətində olublar.
Ölümün səbəbi hələ məlum deyil
Korpusun nümayəndələri saxlanılan şəxslərin ölümünün dəqiq səbəbinin hələ müəyyənləşdirilmədiyini bildiriblər. Mərhumların cəsədləri məhkəmə-tibbi ekspertizadan keçirilməsi üçün Minna şəhərindəki xəstəxanaya göndərilib.
Niger ştatının qubernatoru Məhəmməd Umaru Baqo ilkin ehtimallar arasında qurğuşun zəhərlənməsi və boğulmanı qeyd edib.
İstintaq başladılıb
Qubernatorun sözlərinə görə, saxlanılan şəxslərin ölümünə nəyin səbəb olduğu hazırda araşdırılır.
Hadisənin dəqiq səbəbi məhkəmə-tibbi ekspertizanın nəticələri və istintaqın yekunları açıqlanandan sonra məlum olacaq.
Mənbə: Oxu.az
