By Bakının Binəqədi rayonunda şirkətlərdən birindən elektrik avadanlıqlarının oğurlanması ilə bağlı iki nəfər saxlanılıb.
Daxili İşlər Nazirliyindən Xəbər Yerində-yə verilən məlumata görə, polis əməkdaşlarının keçirdiyi tədbirlər nəticəsində talama əməlində şübhəli bilinən 36 yaşlı E.Quliyev və 40 yaşlı M.Gülməmmədov müəyyən edilərək saxlanılıblar.
Araşdırma zamanı onların elektrik avadanlıqlarını işlədikləri məkandan oğurladıqları müəyyən edilib.
Faktla bağlı araşdırma davam etdirilir.
