By “Kurtlar Vadisi” ssenaristindən diqqətçəkən açıqlamalar – Osman Sınav niyə ayrılıb?
Xəbər Yerində xəbər verir ki, keçmiş MİT əməkdaşı Kaşif Kozinoğlunun 2011-ci ildə Silivri həbsxanasında ölümü ilə bağlı araşdırma çərçivəsində “Kurtlar Vadisi” serialının ssenaristi Raci Şaşmaz ifadə verib.
Şaşmaz serialın hazırlanması ilə bağlı uzun illərdir səsləndirilən bəzi iddialara aydınlıq gətirib. O, ssenarilərə gizli mənbələrdən məlumat ötürüldüyünü təkzib edərək materialların açıq mənbələr və müşahidələr əsasında hazırlandığını bildirib.
Ssenarist serialdakı “Kaşifoğlu” obrazının istihbarat daxilindəki qarşıdurmaları əks etdirmək məqsədilə yaradıldığını deyib. O, bəzi səhnələrdə gizli mesajların verilməsi barədə iddiaları da rədd edib.
Şaşmaz Osman Sınavın layihədən ayrılması ilə bağlı da danışıb. Onun sözlərinə görə, Sınavın ssenariyə müdaxilə və müəyyən fikirlərini daxil etmək istəyi qəbul edilməyib. Bundan sonra Sınavın təhdidlər aldığı və övladlarının təhlükəsizliyindən narahat olduğu üçün layihəni Şaşmaza həvalə etdiyi bildirilib.
Şaşmaz həmçinin FETÖ ilə əlaqələndirilməsi barədə iddiaları rədd edib və 15 iyul hadisələri zamanı Çengelköydə olduğunu bildirib.
Mənbə: Haberler.com
