By Xəbər Yerində xəbər verir ki, “Mançester Yunayted” İngiltərə Liqa Kubokunun 1/16 final mərhələsində gözlənilməz məğlubiyyətlə üzləşib.
“Old Trafford” stadionunda keçirilən qarşılaşmada Mançester təmsilçisi “Brayton”a 2:3 hesabı ilə uduzaraq turnirdə mübarizəni dayandırıb.
Oyuna sürətli başlayan “Mançester Yunayted” ilk 10 dəqiqədə iki dəfə fərqlənib. Şi Leysi 8-ci, Meyson Maunt isə 10-cu dəqiqədə komandasının qollarını vurub.
Lakin “Brayton” fasiləyə qədər hesab arasındakı fərqi azaldıb. Xaralambos Kostulas 45+1-ci dəqiqədə topu rəqib qapısından keçirib.
İkinci hissədə isə qonaqlar geri dönüşü tamamlayıblar. Paskal Qross 65-ci dəqiqədə hesabı bərabərləşdirib, Maksim De Köyper isə 70-ci dəqiqədə “Brayton”a qələbə qazandıran qola imza atıb.
Beləliklə, iki top fərqi ilə öndə olan “Mançester Yunayted” 2:3 hesablı məğlubiyyətlə Liqa Kubokunda mübarizəni erkən dayandırıb.
Mənbə: Report.az
