By Xəbər Yerində xəbər verir ki, sentyabrın 7-də Azərbaycanda hava şəraitinin qeyri-sabit keçəcəyi gözlənilir.
Bakıda və Abşeron yarımadasında gün ərzində hava əsasən dəyişkən buludlu olacaq. Bəzi saatlarda yağış yağacağı, ayrı-ayrı ərazilərdə isə yağıntının qısamüddətli leysan xarakteri daşıyacağı ehtimal edilir. Şimşək çaxacağı da istisna olunmur.
Küləyin istiqaməti dəyişəcək. Gecə və səhər mülayim cənub-qərb küləyi əsəcək, gündüz isə şimal-qərb küləyi güclənəcək.
Paytaxt və yarımadada temperatur gecə 20-23, gündüz 28-32 dərəcə isti olacaq. Axşam saatlarında temperaturun 26 dərəcəyədək enəcəyi gözlənilir.
Bölgələrdə də bəzi yerlərdə fasilələrlə yağış yağacaq. Ayrı-ayrı ərazilərdə intensiv leysan, şimşək və dolu ehtimalı var. Axşam saatlarında yağıntıların güclənəcəyi, yüksək dağlıq ərazilərdə isə qar yağacağı bildirilir. Dağlıq rayonlarda gecə və səhər saatlarında duman müşahidə oluna bilər.
Rayonlarda qərb küləyi bəzi yerlərdə arabir güclənəcək.
Temperatur gecə 18-23, gündüz 30-34 dərəcə isti olacaq. Dağlıq ərazilərdə gecə 12-17, gündüz isə 18-23 dərəcə isti proqnozlaşdırılır.
