By İyulun 29-da Qobu-Lökbatan yolunda iki nəfərin ölümü ilə nəticələnən ağır yol qəzasının görüntüləri yayılıb.
İki avtomobil toqquşub
Yayılan görüntülərdə “Toyota” markalı avtomobilin “Ford Transit”lə toqquşması əks olunub. Hadisə zamanı “Toyota”nın dövlət qeydiyyat nişanı 99 EN 361 olub.
İki futbolçu həyatını itirib
Qəza nəticəsində “Toyota”da olan Bəhruz Sultanov və Rauf Hüseynov hadisə yerində ölüblər. “Ford Transit”in sürücüsü isə xəsarət alıb.
Məlumata görə, həyatını itirən hər iki şəxs “Qobu” futbol klubunun oyunçuları olub.
“Qobu” futbol klubu 2025/2026 mövsümündə AFFA Region Liqasında mübarizə aparıb.
Qəzanın görüntüləri sosial şəbəkələrdə yayılıb.
