By Ötən gün güclü külək səbəbindən baş verən hadisələr nəticəsində iki nəfər xəsarət alıb.
Xəbər Yerində xəbər verir ki, bu barədə Səhiyyə Nazirliyi məlumat yayıb.
Məlumata görə, saat 20:20-də 1952-ci il təvəllüdlü qadın güclü külək səbəbindən yıxılıb. O, tibbi müayinədən keçirilib və sağ ayağın IV daraq sümüyünün sınığı diaqnozu qoyulub. Qadına müvafiq tibbi yardım göstərilib.
Saat 20:40-da isə 1987-ci il təvəllüdlü qadın küləyin təsiri ilə hərəkət edən qapıdan əlindən xəsarət alıb. Müayinə zamanı onun sol əlinin 3-cü və 4-cü barmaqlarında kəsilmiş yara aşkarlanıb.
Hər iki şəxsin vəziyyəti qənaətbəxş qiymətləndirilib. Onlar ambulator müalicə üçün evə buraxılıblar və ev şəraitində müalicə və tibbi nəzarətlə bağlı tövsiyələr verilib.
