By Xəbər Yerində xəbər verir ki, dünya bazarında qızılın qiyməti yüksəlməkdə davam edir.
“Reuters”in məlumatına görə, avqustun 25-də spot qızılın qiyməti 1 unsiya üçün 4 645,67 dollar təşkil edib. Qiymət gün ərzində mayın 14-dən bəri ən yüksək səviyyəyə qalxıb. ABŞ qızıl fyuçersləri isə 4 702 dollara yüksəlib.
Azərbaycanda da qızılın qiymətləri yüksək səviyyədədir. Avqustun 25-i səhər saatlarına olan göstəriciyə əsasən, 1 qram 24 əyarlı qızıl təxminən 253,68 manat, 22 əyarlı qızıl 232,54 manat, 21 əyarlı qızıl isə 221,97 manat olub.
Məlumata görə, qızılın bahalaşmasına ABŞ dollarının məzənnəsi, inflyasiya gözləntiləri, faiz dərəcələri ilə bağlı proqnozlar və geosiyasi risklər təsir göstərir. İnvestorların təhlükəsiz aktivlərə marağının artması da qiymətləri dəstəkləyən əsas amillərdəndir.
Qeyd edək ki, avqustun 24-də qızılın qiyməti 4 700 dolları keçərək may ayından bəri ilk dəfə bu səviyyəyə yüksəlmişdi.
