By Venesuelada iyunun 24-də baş verən iki güclü zəlzələnin qurbanlarının sayı artmaqda davam edir.
Xeberyerinde xarici KİV-ə istinadən xəbər verir ki, ölkə parlamentinin sədri Xorxe Rodriqesin açıqlamasında təbii fəlakət nəticəsində indiyədək 5 208 nəfər həlak olub, 16 mindən çox insan isə yaralanıb. Rəsmilər bildirirlər ki, axtarış-xilasetmə işləri davam etdiyi üçün ölənlərin sayının daha da artacağı istisna edilmir və itkilərin dəqiq miqyasını müəyyən etmək mümkün olmaya bilər.
Zəlzələlərdən sonra ölkədə 1 400-dən çox afterşok qeydə alınıb. Ən ağır dağıntılar sahilyanı Quayra (La Guaira) ştatında baş verib. Bölgədə çoxlu yaşayış məntəqəsi dağılıb və ərazilərin bərpasının illər çəkəcəyi bildirilir.
Beynəlxalq humanitar təşkilatlar təcili maliyyə yardımı göstərsələr də, xüsusilə içməli su çatışmazlığı səbəbindən yoluxucu xəstəliklərin yayılması riski ilə bağlı xəbərdarlıq edirlər.
Müvəqqəti prezident Delsi Rodriqes administrasiyası qarşısında böyük humanitar böhranla mübarizə vəzifəsi dayanır. ABŞ Venesuelaya 150 milyon dollar həcmində yardım ayıracağını açıqlayıb. Bununla yanaşı, Vaşinqtonun ölkəyə tətbiq etdiyi iqtisadi sanksiyalar qüvvədə qalır.
Mütəxəssislər vurğulayırlar ki, təbii fəlakətlər istənilən ölkədə baş verə bilər. Lakin imkanları məhdud dövlətlərin belə hallarda beynəlxalq humanitar dəstəyə daha çox ehtiyacı olur.
