By Bakıda keçirilən qadınlar arasında voleybol üzrə Avropa çempionatında növbəti oyun baş tutub.
“Xəbər Yerində” “Report”a istinadən xəbər verir ki, C qrupunun görüşündə Belçika və Portuqaliya milliləri qarşılaşıb.
Milli Gimnastika Arenasında keçirilən matç Belçikanın 3:0 hesablı qələbəsi ilə başa çatıb.
Setlər Belçikanın üstünlüyü ilə 25:16, 25:21 və 25:11 hesabları ilə yekunlaşıb.
Belçika qrup mərhələsində ikinci qələbəsini qazanıb. Komanda ilk görüşdə İspaniyanı 3:2 hesabı ilə məğlub edib.
Qeyd edək ki, C qrupunda bu gün Azərbaycan millisi İspaniya ilə qarşılaşacaq. Görüş saat 18:30-da başlayacaq.
