By Xəbər Yerində Unikal-a istinadən xəbər verir ki, ötən gecə Mingəçevir su anbarının yaxınlığında yük avtomobili bataqlığa batıb, iki nəfər çətin keçilən ərazidə köməksiz vəziyyətdə qalıb.
Fövqəladə Hallar Nazirliyinin “112” qaynar telefon xəttinə hadisə ilə bağlı məlumat daxil olduqdan sonra qurumun Aran Regional Mərkəzinin xilasediciləri dərhal əraziyə cəlb olunublar.
İki nəfər təhlükəsiz əraziyə təxliyə edildi
FHN əməkdaşlarının keçirdiyi xilasetmə əməliyyatı nəticəsində vətəndaşların olduğu yer müəyyənləşdirilib.
Çətin keçilən ərazidə köməksiz vəziyyətdə qalan iki nəfər xilasedicilər tərəfindən təhlükəsiz əraziyə təxliyə edilib.
