By Sentyabrın 5-də Bakıda və ölkə ərazisində gözlənilən hava şəraiti açıqlanıb.
Bakıda və Abşeron yarımadasında hava dəyişkən buludlu, əsasən yağmursuz keçəcək. Gün ərzində bəzi yerlərdə qısamüddətli yağış yağacağı ehtimal olunur. Küləyin cənub-şərq istiqamətindən əsəcəyi, axşam isə arabir güclənən şimal-qərb küləyi ilə əvəzlənəcəyi gözlənilir.
Havanın temperaturu gecə 18-21°, gündüz 28-32° isti olacaq.
Rayonlarda hava əsasən yağmursuz keçəcək. Günün ikinci yarısında bəzi dağlıq ərazilərdə yağış yağacağı, ayrı-ayrı yerlərdə yağıntının leysan xarakterli olacağı, şimşək çaxacağı və dolu düşəcəyi ehtimal edilir. Gecə və səhər dağlıq ərazilərdə duman müşahidə oluna bilər.
Havanın temperaturu gecə 16-21°, gündüz 30-35° isti, dağlıq ərazilərdə gecə 11-16°, gündüz isə 20-25° isti olacaq.
