By Dövlət Vergi Xidmətinin (DVX) iki vəzifəli şəxsi sahibkarlardan külli miqdarda rüşvət almaqda ittiham edilərək həbs olunub.
Baş Prokurorluq yanında Korrupsiyaya qarşı Mübarizə Baş İdarəsi və İqtisadiyyat Nazirliyi yanında Dövlət Vergi Xidmətinin birgə yaydığı məlumata görə, dövlət orqanlarında korrupsiya hallarının qarşısının alınması istiqamətində həyata keçirilən tədbirlər çərçivəsində növbəti qanun pozuntusu aşkarlanıb.
Məlumata əsasən, Dövlət Vergi Xidmətindən daxil olmuş məlumat əsasında Baş Prokuror yanında Korrupsiyaya qarşı Mübarizə Baş İdarəsində araşdırma aparılıb və Cinayət Məcəlləsinin müvafiq maddələri ilə cinayət işi başlanıb.
İlkin istintaq zamanı müəyyən edilib ki, DVX-nin Bakı şəhəri Operativ vergi nəzarəti və uçotun təşkili baş idarəsinin Sahə təhkimçiliyi idarəsinin rəis müavini Rüstəm Mirzəyev və həmin idarənin 4-cü şöbəsinin rəisi Kənan Məmmədov 2026-cı ilin may ayında Bakıda yerləşən ticarət mərkəzlərindən birində fəaliyyət göstərən çoxsaylı sahibkarlardan
- vergi yoxlamalarının aparılmaması
- cərimələrin tətbiq edilməməsi
- qanunsuz güzəştlər
müqabilində ümumilikdə 200 min manat rüşvət almaqda şübhəli bilinirlər.
Toplanmış sübutlar əsasında hər iki şəxsə Cinayət Məcəlləsinin 311.3.1 və 311.3.3-cü (qabaqcadan əlbir olan bir qrup şəxs tərəfindən külli miqdarda rüşvət alma) maddələri ilə ittiham elan olunub.
Binəqədi Rayon Məhkəməsinin qərarı ilə onların barəsində həbs qətimkan tədbiri seçilib.
Hazırda cinayət işi üzrə istintaq davam etdirilir. Hüquq-mühafizə orqanları qanunsuz əməllərdə iştirak etmiş digər şəxslərin də məsuliyyətə cəlb olunması istiqamətində əməliyyat-istintaq tədbirlərini davam etdirir.
